رێنماییەکانی زانکۆ

پڕۆسەی وەرگرتن لە زانکۆی زادی رێمان بەپێی چەند قۆناغێک دەڕوات بۆ دڵنیابوون لە شایستەیی قوتابیان و جێبەجێکردنی مەرجە زانستییەکان.

• پڕکردنەوەی فۆڕمی ئەلیکترۆنی لە ڕێگەی وێبسایتی فەرمی یان لینکی دیاریکراوی گۆگڵ فۆڕم.
• پێشکەشکردنی وێنەیەک لە بڕوانامەی پێشوو (بۆ نموونە: بڕوانامەی دواناوەندی بۆ بەشی ئامەد).
• تەمەنی خوازیار دەبێت گونجاو بێت لەگەڵ مەرجەکانی ئەو بەشەی کە داواکاری بۆ پێشکەش کردووە.
• بەشداریکردن لە چاوپێکەوتنی زانستی (کە لەلایەن لیژنەی باڵای وەرگرتنەوە بەڕێوە دەچێت بە شێوەی ئۆنلاین).
• پاش دەرچوون لە هەڵسەنگاندن، قوتابی ژمارەی نهێنی و هەژماری تایبەت بە پۆرتاڵی پێ دەدرێت.

خوێندن لە زانکۆکەمان بە شێوەی (E-learning) یە، بەڵام پێویستی بە پابەندبوونێکی تەواو هەیە لەلایەن قوتابیانەوە بۆ بەدەستهێنانی زانستەکە.

• ئامادەبوون لە کاتی پەخشی راستەوخۆی وانەکان (Live Sessions) زۆر پێویستە و لەلایەن سیستەمەوە تۆمار دەکرێت.
• ئەگەر قوتابی نەیتوانی ئامادەی وانەی راستەوخۆ بێت، پێویستە لە ماوەی ٤٨ کاتژمێردا سەیری ڤیدیۆ تۆمارکراوەکە بکات.
• بەشداریکردن لە گفتوگۆکانی ناو پۆرتاڵ و ئامادەکردنی ئەرکەکان بەشێکە لە نمرەی کۆتایی.
• قوتابی بۆی نییە وانەکان و ڤیدیۆکانی زانکۆ بڵاوبکاتەوە بەبێ مۆڵەتی فەرمی ئیدارە.

تاقیکردنەوەکان بە شێوەیەکی زۆر ورد و پارێزراو بەڕێوەدەچن بۆ هەڵسەنگاندنی ئاستی ڕاستەقینەی قوتابیان.

• تاقیکردنەوەکان لە کات و ساتی دیاریکراودا دەکرێنەوە و دوای تەواوبوونی کاتەکە راستەوخۆ دادەخرێن.
• نمرەی دەرچوون بۆ سەرجەم بەشەکان لە (٥٠٪) کەمتر نییە.
• لە کاتی بوونی هەر کێشەیەکی تەکنیکی لە کاتی تاقیکردنەوەدا، پێویستە دەستبەجێ بەشی ئایتی (IT) ئاگادار بکرێتەوە لە رێگەی پۆرتاڵەوە.
• ئەگەر قوتابی لە بابەتیك یان چەند بابەتێک نمرەی دەرچوون بەدەست نەهێنێت، مافی بەشداریکردنی هەیە لە تاقیکردنەوەی خولی دووەم.
• قۆپیە و فێڵکردن بە توندی قەدەغەیە و دەبێتە هۆی دەرکردنی یەکجاری قوتابی لە زانکۆ.